Tiro er tæknifyrirtæki sem brúar bilið milli talmáls og ritmáls. Við sköpum notendavænar lausnir sem byggja á máltækni og gervigreind þar sem við leyfum notendum að tala við og hlusta á tölvur og kerfi í stað þess að skrifa og lesa. Starfsmenn Tiro hafa margra ára reynslu af því að vinna með íslenska talgreiningu ýmist við rannsóknir eða þróun lausna. Tiro stefnir að því að vera sífellt í fremstu röð hvað varðar gæði og úrval lausna á sviði talgreiningar fyrir íslensku.

Fyrirtækið hóf starfsemi sína í kjölfar styrks sem aðstandendum þess var veittur af hálfu Tækniþróunarsjóðs í þeim tilgangi að þróa talgreini fyrir röntgenlækna.